Rutas para Colexios - OMA

Rutas para Colexios

Destinatarios

Trátase dunha actividade dirixida ao alumnado dos centros educativos de Vigo e bisbarra xunto co profesorado que o acompañe.

Descrición

O programa inclúe dous itinerarios guiados polo campus de Vigo nos que se amosan diferentes hábitats propios da nosa rexión e nos que se dan a coñecer a flora e fauna autóctonas que habitan no campus, pretendendo concienciar e transmitir valores de respecto cara á Natureza.


O primeiro deles é o ITINERARIO DE CIMA, no que o alumnado coñecerá a parte máis alta do campus universitario e descubrirá a sucesión biolóxica da paixase, así como restos arqueolóxicos do Neolítico, as medidas correctoras que se adoptan para minimizar os impactos provocados por estradas e disfrutará dun paseo cheo de contrastes naturais.


O segundo itinerario é o ITINERARIO DE FONDO, no que o alumnado se achegará a diferentes ecosistemas acuáticos, aprenderá a descubrir pegadas de animais e coñecerá un fósil vivente de 300.000 anos de antigüidade, entre outras actividades que se realizarán.


Cada saída adaptarase ao grupo e aos seus coñecementos para que poidan deleitarse dunha xornada divertida e educativa.


Dende a Oficina de Medio Ambiente queremos que se interprete o noso patrimonio natural para poder valoralo e conservalo.


Aos mestres participantes na actividade proporcionaráselles material de apoio do Programa "Universidade é Natureza".

Queremos contar convosco!

Se estades interesados en participar no programa poñédevos en contacto connosco.