Na Universidade de Vigo (UVigo) está constituído un Comité para a Sostibilidade, creado a partir de finais do ano 2022 co fin de facer o seguimento da eficiencia das medidas de aforro enerxético e das demais actuacións ambientais. Nestes momentos está conformado por:
Este comité é o encargado de decidir, en materia de Sostibilidade na UVigo, os plans que se acometerán e que haberá que redactar e ter ó día, as estratexias e estruturas que se deberán seguir, os obxectivos que haberá que acadar, as accións que se tomarán para acadar eses obxectivos e cumprir cos plans, así como o seu alcance e as canles de comunicación abertas á toda a comunidade e ó público en xeral.
Os plans, programas ou canta documentación corresponda á Sostibilidade da UVigo deberá ser coñecida pola Alta Dirección da UVigo (Reitoría, Xerencia, vicerreitorías correspondentes) e, cando proceda, estar amparados e aprobados por esa Alta Dirección.
Para acadar unha Sostibilidade plena e integrada na UVigo, o comité poderá acudir á asesoría externa cando for preciso, e en particular, haberá unha comunicación fluída coa Área de Xestión das Infraestuturas (Dpto. de Obras, Instalacións e Infraestruturas) e a súa Unidade Técnica.
