A Oficina de Medio Ambiente da Universidade de Vigo (OMA), xunto coa Oficina de Voluntariado e Cooperación e o Siope (Sección de Información, Orientación e Promoción do Estudantado) SIE (Sección de Información Estudantil) desta universidade ten en marcha un serie de programas de voluntariado durante o curso, entre os que se inclúe a temática ambiental na OMA. A OMA ofrece dentro do seu programa de voluntariado a participación en actividades relacionadas coa conservación de espazos naturais, estudos ambientais e a educación e a sensibilización ambiental. En concreto, as liñas principais de traballo para desenvolver polas persoas que se ofrezan como voluntarias son:

• Colaboración nos programas de educación ambiental: 'Itinerarios guiados polos campus' e 'Universidade é Natureza' que dan a coñecer os hábitats e a flora e a fauna do campus das Lagoas-Marcosende a través de dous percursos guiados.
• Colaboración en actuacións de sensibilización ambiental, a través de campañas específicas como elaboración de carteis, plantación de árbores, etc.
• Colaboración en actuacións relativas á minimización de impactos e á conservación e restauración de hábitats, tales como actuacións para a erradicación de especies exóticas invasoras, fomento da biodiversidade, etc.
• Colaboración en estudos de diagnóstico ambiental na universidade, para a valoración do uso dos recursos, enquisas de mobilidade, etc.

Lembrade que calquera pode ser unha persoa voluntaria na OMA e participar en actividades de sostibilidade ambiental desta universidade.

Normalmente na OMA están abertos os seguintes proxectos de voluntariado ambiental:

• Voluntariado ambiental na OMA para a minimización de impactos ambientais e mellora de hábitats

• Voluntariado ambiental no Gruvi-OMA para a recuperación de equipos eléctricos e electrónicos

Contacta connosco