Mobilidade

O transporte con consumo de combustibles fósiles é un dos sectores que xera un maior volume de gases de efecto invernadoiro que afectan o cambio climático e, para reducilos, a UVigo abordou unha serie de actuacións dentro do Plan Suvi (Plan de Sostibilidade da UVigo).

Por unha banda apóstase polo uso de novos vehículos con menos emisións, polo que o parque móbil da UVigo se renovou, substituíndo aqueles vehículos máis antigos e contaminantes. A isto, súmaselle que se introduciron criterios de sostibilidade nos contratos de subministración de carburantes para aqueles vehículos con combustibles fósiles que usa o parque móbil da UVigo.

Por outra, estase a fomentar unha mobilidade máis sostible entre toda a comunidade universitaria, e para iso promóvese o transporte colectivo (buses municipais e comarcais, bus gratuíto para o persoal, trens) e tratar de maximizar a ocupaciòn dos vehículos compartidos a través de determinadas campañas.

Tamén se está a incidir no fomento da utilización de vehículos eléctricos, para o cal se instalaron varios puntos de recarga eléctrica (electrolineiras) accesibles en diferentes puntos dos estacionamentos dos tres campus.