Colaboración OMA-Sociedade

• Maio 2026: Campaña de recuperación de bosques de Ridimoas afectados polo lume

Consistiu nunha campaña de voluntariado para a recuperación e reforestación de bosque afectado polos incendios do ano 2025 en terreos da Asociación Ecolóxica-Cultural de Ridimoas.

O obxectivo desta acción foi sensiblizar sobre a conservación dos bosques e montes galegos e sobre o problema que lles causan os lumes forestais:

• Implicando a comunidade universitaria na conservación dos bosques.
• Sensibilizando sobre o problema dos lumes.
• Realizando tarefas de reforestación e de conservación do solo tralos incendios.
• Realizando tarefas de prevención e de restauración contra os lumes.

Actividades:

• Traballos de conservación do solo e de prevención ante futuros lumes.
• Preparación e limpeza dos solos afectados polo lume: corta e retirada de restos queimados e eliminación de flora invasora (con serróns e cizallas).
• Corta e restelado de brotes de mimosa (Acacia dealbata), especie invasora no lugar.
• Corta e amoreado de madeira grosa de mimosa e de piñeiro queimado.
• Eliminación por restelado e triturado en anacos dos restos queimados. Posteriormente espállanse polo terreo para axudar á protección do solo e á súa rexeneración (mulching).
• Reforestación/plantación con algúns exemplares de árbores e arbustos autóctonos: sobreiras (Quercus suber), érbedos (Arbutus unedo), acivros (Ilex aquifolium), abelairas (Corylus avellana), sabugueiros (Sambucus nigra), escambróns (Crataegus monogyna), castiñeiros (Castanea sativa) e xilbarbeiras (Ruscus aculeatus).

Teléfono: 986 813883

Email: oma2@uvigo.es