A estrada de circunvalación norte é o segundo tramo da estrada de circunvalación do campus das Lagoas-Marcosende. En agosto do ano 2000, a OMA encargou á consultora Arcea C.B. a realización dun estudo de impacto ambiental desa estrada norte de circunvalación. Nese documento fíxose unha breve descrición do proxecto, un inventario ambiental, unha identificación e valoración dos impactos, unha proposta de medidas correctoras e un plan de vixilancia ambiental.

En concreto as medidas correctoras propostas, destinadas a mitiga-los impactos da obra, foron:

Fase de proxecto

• Novo deseño de obra de drenaxe no regato Fontecoba.
• Deseño de balsa de decantación nas saídas das arquetas.
• Deseño de pasos para anfibios e fauna de pequeno tamaño.
• Deseño de barreiras de canalización de fauna cara aos pasos.
• Deseño de paso elevado

Fase de execución

• Regar as superficies que poidan formar po.
• Realización de voaduras e perforacións fóra de horarios lectivos.
• Apantallamento vexetal contra o ruído en sectores de maior uso docente.
• Acopio de capas fértiles de solo.
• Interposición de barreiras para minimizar o vertido aos leitos fluviais.
• Minimización de camiños de obra.
• Transplante de pés de carballo e outras especies situadas na traza da estrada de circunvalación.
• Protección e sinalización do arborado próximo á traza.
• Inicio dos labores de revexetación dos noiros.
• Restauración das zonas afectadas por camiños de obra e descompactación de terreos.

Fase de explotación

• Finalización dos labores de revexetación dos noiros.

A construción da estrada de circunvalación comezou a finais de novembro de 2000, traballando en cooperación a OMA, a Unidade Técnica e as empresas construtoras para executar as medidas correctoras.