En novembro do ano 2002 tivo lugar o afundimento do buque petroleiro Prestige nas costas galegas, o que desembocou nun dos maiores desastres ecolóxicos da historia de España. Moitas persoas da comunidade universitaria colaboraron na limpeza do litoral afectado polo fuel. Nesta tarefa, a OMA encargouse de canalizar a oferta de persoal voluntario dos diferentes centros para dirixilos aos tramos de litoral nos que se demandaba voluntariado.

Estudo para estimar a mortalidade de aves mariñas

O impacto da marea negra do Prestige sobre as aves mariñas foi evidente, a xulgar pola cantidade de aves petroleadas que chegaron ós litorais galegos e cantábricos. Malia todo, para calcular o total de aves afectadas fixo falta saber cal era a proporción das aves que morrían no mar e que chegaban finalmente ás praias. Para que a estima desta proporción tivese certo rigor foi preciso realizar probas experimentais.

Con ese propósito, deseñouse un experimento na Universidade de Vigo en colaboración coa Dirección Xeral de Conservación da Natureza da Xunta de Galicia, que requiriu da colaboración de toda a xente implicada na recollida de aves e na limpeza das praias. Consistiu en botar un total de 500 bloques de madeira en diferentes puntos en alta mar, á espera de ver cantos deles chegaban a terra e saber o lugar onde arribaban. Os bloques (ver fotos) levaban unha placa de plástico cun código (A ou F, seguido de 3 números) e un teléfono de contacto.

Bases de datos de aves afectadas pola marea negra do buque Prestige

Considerouse que a recollida sistemática de información e a súa centralización eran indispensables para realizar estimas do efecto da marea negra do buque Prestige nas aves. Por isto, puxemos as nosas bases de datos, froito da colaboración dun elevado número de persoas voluntarias, a disposición de todo o mundo.

Base de datos de aves varadas

Bandos de aves petroleadas

Agradecementos

Doazóns recibidas para a axuda
da limpeza do vertido do buque Prestige

Contactaron coa nosa oficina persoas e entidades que fixeron doazóns para que a Universidade de Vigo adquirise medios para a limpeza do litoral afectado polo vertido do buque Prestige.

• Vicedecanato de Dereito Económico
• Facultade de Filoloxía
• Dpto. de Bioloxía Vexetal e Ciencias do Solo

PAS (persoal administrativo de
servizos) que colaborou como voluntario

Naquel Nadal, persoal funcionario desta universidade colaborou voluntariamente nos labores desenvolvidos pola OMA para a atención das persoas da comunidade universitaria que se quixeron apuntar como voluntariado para a limpeza do litoral. Colaboraron connosco:

* Pilar Martínez Borrás

* Noelia Vázquez Rivera

* Marta López Vázquez

Voluntariado que colaborou coa
OMA na Rede de Alerta da marea negra do Prestige

Moitísimas grazas a todas estas persoas!