1.- Extracción: O material extraído deberá separarse en tres clases de calidade, evitando a súa compactación (por paso continuado de maquinaria pesada):

• Terra mineral con pedras ou rochas.
• Terra mineral solta (material semellante ao anterior pero sen pedras nin rochas).
• Terra orgánica ou vexetal.

2.- Amoreamento: Enténdese que tódolos amoreamentos son provisionais. Procederase ao amoreamento só no caso de que non sexa posible depositar as terras no seu emprazamento definitivo tras seren extraídas.

• Delimitación con fita identificativa da empresa, da parcela onde se van amorear as terras.
• As tres clases de terra serán amoreadas por separado en montes de altura inferior aos 3 metros.

3.- Depósito: O que se pretende é estender as capas do solo sobre o terreo, por orde crecente de calidades, para obter un perfil semellante ao orixinal. O estendido de cada capa debe efectuarse de xeito que se consiga un espesor uniforme e seguindo sempre a dirección marcada polas curvas de nivel.

• Delimitación da parcela de traballo con cinta plástica identificativa da empresa responsable
• Protección ou transplante das árbores presentes na parcela de traballo
• Extracción e reserva da capa de terra vexetal da parcela de traballo.
• Depósito da capa inferior de terra mineral con pedras ou rochas.
• Depósito da capa intermedia de terra mineral solta.
• Depósito da capa superior de terra orgánica (vexetal). Para proporcionar un bo contacto coa capa inferior, deberá botarse primeiro unha capa de 20-25 cm e despois pasarlle unha fresadora. Posteriormente, procederase ao cubrimento final co resto da terra. En calquera caso, é importante evitar que a terra vexetal quede compactada.

4.- Sementeira: No caso de que estea contemplada unha sementeira con especies herbáceas, esta deberá facerse inmediatamente despois do depósito da última capa de terra vexetal.

Para evitar riscos de deslizamentos é imprescindible ter moi en conta a pendente das parcelas nas que se vai traballar. Así mesmo, deberán tomarse medidas de protección (construción de cabañóns para delimitar os cursos de auga) e consolidación da rede de drenaxe das parcelas.