Pegada de Carbono e Pegada Ecolóxica  

A pegada de carbono é unha medida de impacto ambiental que estuda para unha entidade/actividade as emisións de gases de efecto invernadoiro (GEI), principalmente o dióxido de carbono (CO2), aínda que tamén habería que considear o metano (CH4), óxido nitroso (N2O), hidrofluorocarbonos (HFCs), perfluorocarbonos (PFCs) e hexafluoruro de enxofre (SF)], que son liberados á atmosfera e tamén teñen efectos sobre o cambio climático.

A pegada de carbono mídese en toneladas (ton) de CO2 equivalentes.

Algunhas das metodoloxías que se usan para o seu cáculo son a norma ISO 14064 ou o marco global do estándar GHG Protocol (Protocolo de Gases de Efecto Invernadoiro).

O estándar GHG Protocol clasifica as emisións de gases de efecto invernadoiro en 3 alcances, co obxectivo de unificar os informes das entidades e permitir a súa comparabilidade:

  • Alcance 1: Emisións de GEI directas dunha entidade, procedentes de equipos, maquinaria ou procesos propios por ela controlados (p. ex.: caldeiras, fornos, vehículos propios, etc.) no lugar onde se produce a actividade.
  • Alcance 2: Emisións de GEI indirectas dunha entidade, asociadas á electricidade, vapor, calor... de fontes "non-renovables" (p. ex.: consumo eléctrico).
  • Alcance 3: Outras emisións de GEI indirectas dunha entidade, asociadas á cadea de valor, consecuencia das súas actividades, pero que proveñen de fontes que non son da súa propiedade nin están controladas por ela. Á súa vez este "alcance 3" divídese en "Corrente arriba (Upstream: bens e servizos adquiridos, desprazamentos de empregados a través de medios que consuman combustibles fósiles, etc.) vs. "Corrente abaixo" (Downstream: transporte e distribución, procesamento e uso dos produtos, tratamentos finais, etc.).


A pegada de carbono pódese converter a unidades de pegada ecolóxica (hectáreas globais de terreo equivalentes: gha) estudando cal é o terreo estándar necesario para absorber as devanditas emisións de gases de efecto invernadoiro. Con esta medida calcúlase a cantidade de terreo estándar (medido en hectáreas globais equivalentes) que sería necesaria para absorber os impactos ambientais asociados a unha determinada entidade/actividade.

A pegada ecolóxica defínese como a superficie terrestre ecoloxicamente productiva, ou o ecosistema acuático (cultivos, pastos, bosques ou ecosistemas acuáticos, e, idealmente, tamén o volume de aire), necesario para manter/satisfacer o consumo de recursos e enerxía usados, así como, para poder absorber/asimilar os residuos derivados dunha determinada actividade, empregando a tecnoloxía habitualmente utilizada, independentemente de onde estea situada a superficie considerada (Wackernagel y Rees, 1996).

Na actualidade, para o cálculo final da pegada ecolóxica da UVigo estase a empregar un factor de conversión de 0,28 gha/tCO2 (Global Ecological Footprint Factor: GFN Canadian 2005 tables) para transformar as emisións de dióxido de carbono (ton CO2) da "actividade universitaria" en hectáreas globais equivalentes (gha).

Documentos e Datos:

2022

2021

2020

2019

2018

2017

2016

2015

2014

2013

2012

2011-2008

Histórico de datos ambientais da UVigo

Produción (kWh) de enerxías renovables

 Ano   Biomasa   Fotovoltaica   Termosolar   Xeotérmica 
2019 200.000 10.000   800.000
2020 175.000 675.000   825.000
2021 562.000 925.000   875.000
2022 603.680 1.029.000 18.000 976.820
2023 575.000 1.258.000 18.000 948.000