Botellas, frascos e tarros de vidro baleiros (auga, zume, refrescos, viño, mosto, sidra, marmeladas, conservas, alimentos, cosmética/perfumería, etc.) de líquidos ou outros contidos.
Diferenciade entre "vidro" e "cristal".
Nos laboratorios o que se produce normalmente é cristal (pírex, topacio, etc.) de material descartado de vasos de precipitados, matraces, pipetas, probetas, etc (que contén "impurezas"/elementos que lle dan resistencia, cor, etc.) que non é vidro.
O cristal contaminado con residuos perigosos (reactivos/substancias químicas perigosas) debe ser recollido como "residuo perigoso".
O cristal non-contaminado poderá botarse no colector xenérico do lixo (non o botedes no colector de vidro; interferiría coa súa "reciclaxe").
Tede coidado ó recollelo, xa que pode conter elementos cortantes. Mellor recollelo nalgún recipiente ríxido ou semirríxido.
Tampouco son "vidro" os materiais procedentes das ventás/xanelas, estantes, espellos ou lámpadas.
Sería idóneo conseguir que os provedores se fixesen cargo ou participasen en sistemas de devolución e retorno para este tipo de materiais/envases, de xeito que se conseguise maximiza-la súa reutilización) e diminuí-la súa produción como residuo.
Que non debo depositar?
Cristal de borosilicatos (Pyrex): frascos de laboratorio.
Cristal (contén metais pesados): moitos vasos, copas, lentes, pantallas de TV ou ordenador, etc.
Xanelas, estantes, espellos, parabrisas de automóbil.
Lámpadas, bombillas, tubos fluorescentes.
Tapas, rollas, tapóns ou chapas das botellas ou tarros (normalmente metálicos ou plásticos).
Pratos, xerras, xerros ou obxectos de louza, barro, porcelana ou cerámica.
