A Oficina de Medio Ambiente da Universidade de Vigo (OMA) ten en marcha un programa de voluntariado ambiental durante o curso como parte dos proxectos de voluntariado propios da Universidade de Vigo. A Oficina de Medio Ambiente (OMA) ofrece dentro do seu programa de voluntariado a participación en actividades relacionadas coa conservación de espazos naturais, estudos ambientais e a educación e sensibilización ambiental. En concreto, as liñas principais de traballo para desenvolver polos voluntarios son:

• Colaboración nos programas de educación ambiental: 'Itinerarios guiados polo campus' e 'Universidade é Natureza' que dan a coñecer os hábitats e a flora e a fauna do campus das Lagoas-Marcosende a través de dous percursos guiados.
• Colaboración en actuacións de sensibilización ambiental, a través de campañas específicas como elaboración de carteis, plantación de árbores, etc.
• Colaboración en actuacións relativas a minimización de impactos e conservación e restauración de hábitats, tales como actuacións para erradicación de especies exóticas invasoras, fomento da biodiversidade, etc.
• Colaboración en estudos de diagnóstico ambiental na universidade, para a valoración do uso de recursos, mobilidade, etc.

Lembrade que calquera pode ser voluntario da OMA e participar en actividades de sostibilidade ambiental desta universidade.

Na actualidade, para o curso 2019-2020 na OMA están abertos os seguintes proxectos de voluntariado ambiental:

• Voluntariado ambiental na OMA para a minimización de impactos ambientais e mellora de hábitats

• Voluntariado ambiental no Gruvi-OMA para a recuperación de equipos eléctricos e electrónicos

Contacta connosco